Baie welkom Kalfiefeesgenote!

kalfiefees-hermanus.co.za
Openingsaand Shhhhhh met Coenie de Villiers
June 18, 2016
kalfiefees-hermanus.co.za
Boodskap van die Burgemeester
June 19, 2016

Baie welkom Kalfiefeesgenote!

kalfiefees-hermanus

Walviskalfies in die baai beteken net een ding . . . KALFIEFEES! Dit gaan ook gepaard met die viering van die vrou gedurende die naweek van Vrouedag, 8 tot 12 Augustus.

“Kyk die skoonheid van ’n vrou moet gesien word in haar oë, dit is die ingang na haar hart die plek waar die liefde woon.”
– Woorde van onbekende digter

Vanjaar bied ons weer ’n keur van uitstekende teater, musiek, kuns en ’n boekmakietie aan. Vrouedagviering is soos gewoonlik op Vrouedag 9 Augustus. Jakkie Louw, as gaskunstenaar, kom ons vermaak met sy “Eenmiljoenwoorde”. Die besprekingsprogram, op 10 Augustus, beloof om baie debat te ontlok met die sensitiewe onderwerp “ ’n Politieke oorsig oor die huidige en toekomstige stand van sake in Suid-Afrika”. Behalwe ons kunstenaars en u ons feesvriende, is ons getroue borge die anker waarsonder hierdie fees nie kan plaasvind nie, daarom wil die Hermanus Times Kalfiefeeskomitee elke borg bedank vir hulle vennootskap in hierdie suksesverhaal.

Ons nooi u om gesellig te kom kuier in die kuiertent langs die De Wetsaal waar u allerhande kos, iets te drinke en musiek kan geniet. En wie weet . . . dalk kry Fiësta jou dáár! Opregte dank aan elke lid van die Kalfiekomitee vir hulle harde werk, entoesiasme en ywer. Sien jou in die voorportaal.

Jimmy Hattingh Voorsitter: Hermanus Times Kalfiefeeskomitee

KalfiekomiteeOntmoet jou Kalfiekomitee: Jimmy Hattingh, Cornel Janse van Vuuren, Jan de Ruyter, Anna Spaarwater, Hester Finberg, Mari Nel, Thys Sutherland en Peter van Schaik Afwesig: Arnold Hugo, Louise van Zyl en Elena Vorster.