Kuiertent

Kom kuier saam in die kuiertent

Die hart van die Kalfiefees is weer langs die De Wet-saal in die kuiertent. Met toe kante en verwarmers binne, sal jy lekker droog en warm bly. Kom eet, drink, lag en gesels saam met medeKalfiegangers. Dalk skuur jy skouers met die Fiësta-span van kykNET en verskyn op televisie. Die wyn, bier en koeldrank sal nie opraak nie en tee en koffie sal aanhoudend prut. Van die eetgoed sluit in: sosaties, worsbroodjies, vis, biltong en pannekoek. Aan die naburige inwoners (en kunstenaars wat in die De Wetsaal optree) wil ons net sê daar sal nie uitbundige harde musiek tot laataand wees nie . . . net ’n rustige atmosfeer met strelende klanke. ’n Kalfiefees-infohoekie is ook in die tent en Kalfiefees-komiteelede sal daar wees as jy inligting wil hê of verdwaal het! Geborg deur Homes International