Hierdie drama uit die pen van Deon Opperman is die eerste ná Kaburu, waarvoor hy sy tweede Hertzogprys gekry het. ’n Vrou (Hanli Rolfes) keer ná twintig jaar terug na haar grootwordplaas en ontdek haar jeugliefde (Deon Coetzee) is die nuwe eienaar. Hy het nooit getrou nie. So begin ’n verhaal van herontdekking, konfrontasie, vergifnis en uiteindelik die insig dat die dinge wat in woede geskreeu word, nie iets beteken nie, maar wel dié wat gefluister word. Mense skreeu: “Ek haat jou.” Maar hulle fluister: “Ek het jou lief.”
80 min. R85 en R90 Die Skuur
Saterdag 7 Aug. 12:00
’n Fisieke-teaterstuk waarin die wêreld van beweging en musiek gekombineer word met die konkreetheid en bekendheid van brood. Verhale en gedigte uit die pen van Suid-Afrikaanse skrywers (Sheila Cussons, Petra Müller en Abraham de Vries) sowel as buitelandse skrywers (Christina Rossetti, AA Milne en Daniel Leader) word gebruik en in Afrikaans en Engels aangebied. Die musiekkeuse weerspieël ook die tema van brood, terwyl die bewegingstyl wat deur die akteur Pieter van Zyl aangewend word, die tradisie van die teatermeester Étienne Decroux herroep. ’n Deurlopende verhaallyn word gevolg, maar dit kan ook beskryf word as ’n collage waarin die misterie, geskiedenis en betekenis van brood vanuit verskillende hoeke belig word.
60 min. R60 De Wetsaal
Vrydag 6 Aug. 17:00
Originally written as Lyf by Hennie van Greunen and played by Pedro Kruger, the show was hailed as a tour de force from the start. It transports the audience, willingly and believingly, into a make-believe world which so accurately mirrors real life that the lines become blurred and that people’s opinions and perceptions are changed in the process. Kruger’s skills as composer, actor, pianist, storyteller and performer are utilised to the full in this poignant, outright funny and often moving production. The play was later translated into English, and in August 2009, it was performed at the Edinburgh Fringe Festival in Scotland. The show was awarded the fringereview.com Hidden Gem Award. Shirley Ellis adds her sensitive direction to the product. 60 min. R70 Civic Centre
Saturday 7 Aug. 18:30 and Monday 9 Aug. 10:00
Die internasionale treffer Tuesdays with Morrie, deur Mitch Albom, is deur Albom en Jeffrey Hatcher vir die verhoog aangepas. Nou span twee van ons mees talentvolle akteurs vir die eerste keer saam om die deernisvolle verhaal in Afrikaans lewe te gee. Morrie (Chris van Niekerk) is ’n Sosiologie-professor aan die US en Tiaan (Pedro Kruger) een van sy oudstudente. Leermeester en student is albei by ’n kruispad in hul lewens: Morrie word met ’n terminale siekte gediagnoseer en ’n ontnugterde Tiaan besluit om sy ou prof op te soek.
90 min. R95 Burgersentrum
Vrydag 6 Aug. 20:30 en Saterdag 7 Aug. 09:00
Wynborge van die Kalfiefees
Overberg wynplase ondersteun die Kalfiefees
Lianda Beyers Cronjé
Wyn en kunste gaan saam soos vinkel en koljander en die wynlandgoedere van die Overberg het weer eens oorweldigende ondersteuning aan dié gebied se grootste kunstefees gegee.
Gaste by die Kalfiefees se Glansaand vir Borge waarmee die fees geopen word, sal vanjaar kan proe aan `n ruim verskeidenheid terroir-gedrewe wyne wat deur die Overberg se voorslagwynmakers geproduseer word. Ons wynborge sluit in: Bouchard Finlayson, Creation, Hermanuspietersfontein, Lomond, Newton Johnson, Springfontein, Sumaridge, Raka, Whalehaven en Wildekrans.
Overberg wine estates support the Kalfiefees
Wine and arts go together like – well, the best friends they are and once again, the wine estates from the Overberg have shown overwhelming support for the area’s biggest arts festival!
Guests at the Kalfiefees Gala Opening Evening for Sponsors will be able to taste the best of Overberg terroir. Our wine sponsors include the following estates: Bouchard Finlayson, Creation, Hermanuspietersfontein, Lomond, Newton Johnson, Springfontein, Sumaridge, Raka, Whalehaven and Wildekrans.
